Qytaıda shahtany sý basyp, kenshiler jer astynda qaldy

BEIJІŃ. QazAqparat – QHR Shyńjań-Uıǵyr avtonomııalyq aýdanynda kómir shahtasyn sý basyp, 21 adam jer astynda qalyp qoıdy, dep habarlaıdy QazAqparat Sınhýa agenttigine silteme jasap.

Málimetke sáıkes, apat senbi kúni Beıjiń ýaqyty boıynsha keshki 18:10-da QHR Shyńjań-Uıǵyr avtonomııalyq aýdany Chantszı-Hýeı okrýgy Hıtýbı ýezinde bolǵan. Aldyn ala aqparat boıynsha, jóndeý jumystary kezinde shahtany sý basyp, saldarynan elektr qýaty óshken. Kenshilermen baılanys ta úzilgen.

Tótenshe jaǵdaı kezinde shahtada 29 kenshi bolǵan, segizi qutqaryldy. Qazirgi kezde 21 adam sý basqan shahtada qalyp otyr.

Shuǵyl qyzmetter apat ornynda jumystaryn jalǵastyrýda.

Avtory: Rýslan Súleımenov