10:03, 18 Jeltoqsan 2019 | GMT +5
Qytaıda shahtadaǵy apattan qaza tapqandar sany 16 adamǵa jetti
BEIJІŃ. Sınhýa-QazAqparat – Qytaıdyń ońtústigindegi Gýıchjoý provıntsııasynda kómir shahtasynyń opyryla qulaýy saldarynan mert bolǵandar sany 16-ǵa jetti, dep habarlaıdy QazAqparat «Sınhýa» agenttigine silteme jasap.
Buǵan deıin 14 adamnyń ajal qushyp, eki jumysshynyń úıindi astynda qalǵandyǵy aıtylǵan bolatyn.
Agenttiktiń málimeti boıynsha, izdeý-qutqarý jumystary aıaqtaldy. Bılik oqıǵanyń sebepterin anyqtap jatyr.
Eske sala ketsek, shahtadaǵy apat 17 jeltoqsan kúni Anlýn ýezinde bolǵan edi. Tótenshe jaǵdaı kezinde jer astynda qalǵan 23 adamnyń jeteýi qutqaryldy.