Qytaıda shahtada bolǵan jarylystan 4 adam opat boldy, 4-eýi iz-túzsiz joǵalǵan

SIANЬ.Sınhýa-QazAqparat – Qytaıdyń soltústik-batysyndaǵy Shensı provıntsııasynda kómir shahtasynda gaz atylyp, 4 adam qaza tapty, taǵy tórteýi iz-túzsiz joǵalyp ketti, dep habarlaıdy QazAqparat Sınhýa agenttigine silteme jasap.

Apat sársenbi kúni jergilikti ýaqytpen 13.00 shamasynda provıntsııanyń Týnchýan qalasyndaǵy Tsıaotszylıan kómir ónerkásibi kompanııasynyń shahtasynda boldy. Shahtadaǵy 42 jumysshynyń 34-i syrtqa shyǵyp úlgergen.

Qutqarýshylar apat saldarynan mert bolǵan tórt kenshiniń máıitin tapty.

Qutqarýshylardyń jumystaryn jalǵastyrýy úshin mamandar gaz shyǵarý júıesin jóndep, jeldetý, elektr jáne tasymaldaý júıesin qalypqa keltirdi.