Qytaıda saýyqqan patsıentterdiń testi oń nátıje bergen úlesi 15%-ǵa jetti

BEIJІŃ. QazAqparat – Qytaıda COVID-19 saýyqqan patsıentterden alynǵan koronavırýs testiniń oń nátıjeler kórsetkishi shamamen 5-15%-dy quraıdy. Bul týraly QHR Memlekettik Keńesiniń aldyn alý jáne baqylaý birlesken mehanızmi saraptamalyq tobynyń múshesi, Beıjiń ýnıversıteti janyndaǵy №1 aýrýhanasynyń ınfektsııalyq bóliminiń meńgerýshisi Van Gýıtszıan málim etti, dep habarlaıdy QazAqparat.

«Qazirgi ýaqytta, aldyn ala derekter boıynsha, elde «qaıtalanǵan oń» jaǵdaılary (koronavırýstan saýyqqandardyń arasynda - shamamen) 5-15% quraıdy. Keı jerlerde óte tómen, paıyzdyń onnan bir bóligi ǵana», - dep atap ótti Van Gýıtszıan.

Onyń aıtýynsha, emdelip shyqqan, koronavırýsqa qaıta test tapsyrý kezinde oń nátıje alynǵan patsıentterdiń kópshiliginde bul vırýstyq aýrýdyń belgileri joq.

Alaıda, ol naqtylyq úshin qosymsha zertteýler qajet ekenin aıtty.

Ótken táýlikte (2020 jyldyń 7 mamyr kúngi saǵat 24:00-degi jaǵdaı boıynsha) qurlyqtyq Qytaıda koronavırýs juqtyrǵan bir ǵana jaǵdaı tirkelgen. COVID-19 vırýsyna baılanysty qaıtys bolý faktisi joq ekenin habarlady QHR Densaýlyq saqtaý isteri jónindegi memlekettik komıssııa

Qurlyqtyq Qytaıda COVID-19 juqtyrǵan jalpy jaǵdaılar sany 82 886 adamǵa jetti. 77 993 adam saýyǵyp, aýrýhanadan shyǵaryldy. 4633 adam qaýipti vırýstan kóz jumǵan.