Qytaıda salynyp jatqan Olımpıada qalashyǵynan ımperator saraıynyń orny tabyldy
ASTANA. QazAqparat- Qytaı arheologtary Chjantszıako qalasynda salynyp jatqan Olımpıada qalashyǵy ornynan 1800 jyl burynǵy kóne mádenı eskertkishti tapty, dep jazady Sınhýa.
Beıjiń 2022 jyly Qytaı astanasynan 200 km qashyqtyqta ornalasqan Chjantszıako qalasymen birlesip Olımpıada oıyndaryn ótkizetin bolady.
Bul mádenı eskertkish Chýnlı aýdanynyń Taıtszychen aýyly mańynan tabylǵan. Mádenı eskertkishterdi zertteý jónindegi provıntsııalyq ınstıtýttyń sarapshylar toby ótken jyldyń mamyr aıynan beri kóne orynda jumys jasap jatyr.
Atalǵan ınstıtýttyń kishi ǵylymı ǵyzmetkeri Hýan Sınniń aıtýyna qaraǵanda, bul qırandylar Tszın dınastııasy (1115-1234 jyldar) kezindegi ımperııalyq saraıǵa tıesili.
Jazǵy han saraıy tikburyshty formada salynǵan. Ol jerden ımperııa móri basylǵan kirpishter, 15 farfor tarelkasy basqa da qundy zattar tabylǵan.
Arheologtar saraıda Tszın dınastııasynda ómir súrgen ımperatorlar Shıtszýn (1161-1189 jyl) men Chjantszýn(1190-1208 jyly) turǵan dep esepteıdi.
Aıta keteıik, Chýnlıdiń taýly aýdandarynda 2022 jyly Qysqy Olımpıadanyń shańǵy jarystary ótpek.
