Qytaıda salynyp jatqan kópirge kran qulap, bes adam qaza tapty

NUR-SULTAN. QazAqparat – Qytaıdyń soltústik-batys provıntsııasy Shensıde salynyp jatqan kópirde konsoldik-shlıýzdik krannyń qulaýy saldarynan bes adam qaza taýyp, jeti adam zardap shekti, dep habarlaıdy QazAqparat Mıan úıezi bıliginiń habarlamasyna silteme jasap.

Úsh adam oqıǵa ornynda jan tapsyrǵan. Aýrýhanaǵa jetkizilgen toǵyz adamnyń ekeýi alǵan jaraqattardyń saldarynan kóz jumdy. Tergeý júrgizilýde.

Oqıǵa beısenbi kúni jergilikti ýaqyt boıynsha 14.25-te oryn alǵan. Ázirge belgisiz sebeptermen kópirdiń ústinde júrgizilip jatqan jumystar kezinde aıaq astynan kran qulap túsken. Jumystar Hanchjýn qalalyq okrýginiń jyldamdyqpen júretin avtomagıstralin keńeıtý jáne qaıta qurý jónindegi joba aıasynda júrgizilip jatqan edi.