Qytaıda salynyp jatqan ǵımarat qulap, 8 adam mert boldy

GÝIıAN. XINHUA - QazAqparat – Qytaıdyń Gýıchjoý provıntsııasynda salynyp jatqan avtoturaqtyń ǵımaraty qulap, segiz adam qaza tapty, taǵy ekeýi jaralanǵan, dep habarlaıdy QazAqparat Xinhua agenttigine silteme jasap.

Jergilikti bılik ókilderiniń aıtýynsha, oqys oqıǵa jergilikti ýaqytpen 16:21-de qurylys alańynda bolǵan. Jer astyna salynyp jatqan avtoturaqta apat bolǵan kezde14 adam jumys istep jatqan. Úsh jumysshy qashyp úlgergen, taǵy bireýi qutqarylǵan, on jumysshyny úıindi basyp qalǵan.

Qutqarý jumysy 11 saǵatqa sozylǵan. Úıindiniń astynan segiz adamnyń denesi tabyldy, eki adam aýrýhanaǵa jetkizilgen.

Oqıǵaǵa qatysty tergeý júrip jatyr.