Qytaıda robottar arasynda fýtboldan álem chempıonaty ótedi

ASTANA. QazAqparat - Hefeı qalasynda Anhoı (Shyǵys Qytaı) provıntsııasynyń ákimshilik ortalyǵynda 19-23 shilde aralyǵynda robottar arasynda fýtboldan 19-shy álem chempıonaty ótedi, dep jazady sheteldik BAQ.

Bıyl RoboCup-qa álemniń 46 eli men óńirlerden 3200 adam qatysady, RoboCup aıasynda fýtboldan basqa da dodalar uıymdastyrylady. Mysaly, turmystyq robottar men qutqarýshy robottar arasynda jarys ótedi.

Aıta keteıik, RoboCup - jyl saıyn robottehnıkalardyń qatysýymen ótip turatyn mádenı shara. Ol alǵash ret 1997 jyly Japonııada uıymdastyrylǵan.