Qytaıda relssiz júretin tramvaı jasaldy
ASTANA. QazAqparat - Jýyrda Qytaıdyń CRRC tasymaldaýshy kompanııasy avtobýs, tramvaı jáne ózdiginen basqarylatyn avtokóliktiń artyqshylyqtary toptastyrylǵan qoǵamdyq kólik oılap tapty, dep habarlaıdy xinhuanet.com .
Atalǵan tasymaldaýshy kólik avtobýs tárizdi relsti qajet etpeıdi, tramvaı sekildi qosymsha vagondardy tirkeı alady, al ózdiginen basqarylatyn avtokólik tárizdi oǵan júrgizýshiniń qajeti joq. Kólik qala ishinde arnaıy jasalǵan baǵyt boıynsha júredi.
Oǵan 300-den artyq jolaýshy sııady. Eń joǵarǵy jyldamdyǵy saǵatyna 70 km.
Bul sheshim metro nemese tramvaı joldaryn tósegennen áldeqaıda arzanǵa túsedi. Orta jáne shaǵyn qytaı qalalary úshin teńdessiz ádis bolýy múmkin dep esepteıdi CRRC kompanııasynyń bas ınjeneri. Mundaı kólikke arnalǵan 6,5 km jol Chjýchjoý qalasynda salynyp, 2018 jyly paıdalanýǵa berilmekshi.
