Qytaıda raps gúldedi
ASTANA. QazAqparat - Qytaıda kóktem lebi sezile bastady. ıÝnnan provıntsııasynda 6 myń gektar jerdegi raps gúldep, ony qyzyqtaǵan týrıster kóbeıdi, dep habarlaıdy 24.kz.
Bul jerdi saıahattaýshylar «sary teńiz» dep atap ketken. Kókjıekke deıin sozylyp jatqan sary alqap tamashalaýǵa kelgen týrıster úshin taptyrmas jer.
Jergilikti bılik te kóktemniń osy bir shýaqty sátin sátti paıdalanyp, túrli sharalar uıymdastyrady. Al Gýıchjoý provıntsııasynda órik aǵashtary gúldep jatyr. Oǵan barýshylar da ertegi álemine tap bolǵandaı áser alyp, sýretke túsip máz.
«Biz Tsınhaı provıntsııasynda rapstyń gúldegenin tamashalap, basqa jerde mundaı ádemi kórinis bolmaıtyn shyǵar dep oılaǵan edim. Biraq qatelesippin, dál osy jerde men qaıtalanbas sýret túsirdim dep oılaımyn», deıdi týrıst Gao Shıýfý.
