Qytaıda polıtseılerge shabýyl jasaǵan 8 adam oqqa ushty
ASTANA. 30 jeltoqsan. QazAqparat - Jergilikti bıliktiń habarlaýynsha, eldiń batysyndaǵy Shyńjań provıntsııasynda qytaı polıtseıleri ýchaskesine shabýyl jasaǵan 8 adam oqqa ushty.
Bul oqıǵa óńirdegi jappaı tártipsizdikten keıin eki aptadan soń oryn aldy, onda polıtseıler 14 adamdy atyp tastaǵan bolatyn.
Shyńjańda 9 mıllıon uıǵyr turady. Olar provıntsııa halqynyń 45 paıyzyn quraıdy. Bıliktegiler uıǵyr lańkesterin zorlyq-zombylyq jasady dep aıyptap otyr. Beıjińnen habarlaǵandaı, olar óńir úshin avtonomııaǵa qol jetkizýge árekettenýde.
Uıǵyr belsendileri óz kezeginde ortalyqtyń avtonomııa qaýpi jaıly ózderiniń aımaqty basqarýdaǵy qatal ádisterin aqtap alý úshin tym asyra siltep jatqanyn aıtýda.
Bıylǵy jyly Shyńjańda tórt ret tártipsizdik oqıǵasy oryn aldy.
