Qytaıda pnevmonııanyń jańa túrimen aýyrǵandar sany 200-ge jýyqtady

BEIJІŃ. QazAqparat – Ýhan qalasynda (QHR, Hýbeı provıntsııasy) jeksenbi kúni koronavırýstyń jańa túri qozdyrǵan pnevmonııany juqtyrǵan adamdar sany 200-ge jýyqtady, dep habarlaıdy QazAqparat tilshisi jergilikti densaýlyq saqtaý organyna silteme jasap.

Ókpe qabynýynan kóz jumǵandar sany ósýde.

«19 qańtarda jergilikti ýaqyt 22:00 saǵatta (Beıjiń ýaqytymen) Ýhan qalasynda koronovırýstyń jańa túri qozdyrǵan pnevmonııamen aýyrǵandar sany 198-ge jetken. Olardyń 25-i aýrýhanadan shyǵaryldy, úsheýi kóz jumdy, 170 adam medıtsınalyq mekemelerde em alyp jatyr. 35 adamnyń jaǵdaıy nashar, 9-y aýyr hálde, 126 adamda aýrýdyń jeńil túri anyqtaldy», - delingen densaýlyq saqtaý isteri boıynsha mýnıtsıpaldyq komıtettiń habarlamasynda.

Koronavırýstyń jańa túri eń alǵash Beıjiń qalasynyń ońtústigindegi Dasın aýdanynda tirkelgen. Eki naýqas ta jańa koronavırýs túrin Ýhan qalasyna barǵannan keıin juqtyrǵan.

Eske salsaq, buǵan deıin Qytaıda pnevmonııanyń jańa túri órship bara jatqany týraly habarlaǵan bolatynbyz.