Qytaıda pnevmonııadan adamnyń qaıtys bolý jaǵdaıy tirkeldi

BEIJІŃ. QazAqparat – Qytaıdyń ortalyq bóligindegi Ýhan qalasynda anyqtalmaǵan vırýs saldarynan bir adam kóz jumdy, dep habarlaıdy QazAqparat jergilikti densaýlyq saqtaý organyna silteme jasap.

«2020 jyldyń 10 qańtaryndaǵy jaǵdaı boıynsha koronavırýstyń jańa túri 41 adamnan tabyldy. Olardyń jeteýi aýyr halde jatsa, bireýi qaza tapty. Ekeýi aýrýhanadan emdelip shyqty», - delingen Ýhan qalalyq densaýlyq saqtaý organynyń habarlamasynda.

Jergilikti BAQ-tyń málimetinshe, koronavırýstyń jańa túrinen kóz jumǵan adam 61 jastaǵy Ýhan qalasynyń turǵyny. Ol qaladaǵy bazarlardan únemi teńiz ónimderin satyp alyp júrgen.

Qazirgi ýaqytta 739 adam dárigerlerdiń baqylaýynda, solardyń ishinde 419 medıtsına qyzmetkeri bar. 2020 jyldyń 3 qańtarynan bastap koronavırýstyń jańa túrine shaldyqqandar tirkelgen joq.

Eske salaıyq, Qytaı bıligi 31 jeltoqsanda Ýhan qalasynda pnevmonııanyń beımálim túrine kem degende 27 adamnyń shaldyqqanyn, sonyń ishinde jeteýi aýyr halde hatqanyn habarlaǵan bolatyn. Aýrý juqtyrǵandardyń basym bóligi qaladaǵy teńiz ónimderi satylatyn bazarǵa barǵan: qazirgi ýaqytta bazar jabyldy. 9 qańtarda zerthanalyq zertteýler kórsetkendeı, bul aýrýdyń órshýine jańa tıptegi koronavırýs yqpal etken.

Osyǵan deıin Qytaıda belgisiz pnevmonııaǵa shaldyqqandar sany 59 adamǵa jetkendigi habarlandy.

Rýslan Súleımenov