Qytaıda pıanınoshylar Gınnestiń jańa rekordyn ornatty
ASTANA. QazAqparat - Senbi, 6 qazan kúni Qytaıdyń Hebeı provıntsııasynyń Ýtsıan ýezinde zaǵıp balalarǵa kómek kórsetýge baǵyttalǵan qaıyrymdylyq aktsııasy ótti. Shara barysynda fortepıanoda ujym bolyp oınaýda Gınnestiń jańa álemdik rekordy ornatyldy, dep habarlaıdy QazAqparat Sınhýa agenttigine silteme jasap.
Іs-sharaǵa álemniń segiz elinen pıanınoshylar, sondaı-aq muǵalimder, stýdentter, óner súıer qaýym men kóz janarynan aıyrylǵan qytaılyq balalar qatysty.
Aktsııa kezinde 666 fortepıanomen Shýberttiń áskerı marshy oryndaldy. Qoldanylǵan fortepıanolardyń jalpy quny 50 mln ıýannan (7,3 mln dollar) asady.
Osylaısha, 2007 jyly Koreıanyń Inchhon qalasynda 555 pıanınoshy ornatqan álem rekordy jańardy.
