Qytaıda pedofıl muǵalimdi ólim jazasyna kesti
ASTANA. Qazaqparat - Gansý provıntsııasynda (Soltústik-Batys Qytaı) beısenbi kúni 29 balany zorlaǵan pedofıl-muǵalim ólim jazasyna kesildi. Bul týraly QHR Joǵarǵy halyq sotynyń habarlamasynda aıtylǵan. Óıtkeni osy ınstantsııa ǵana eldegi barlyq ólim jazasyn bekitýi tıis, dep habarlady TASS.
Alǵashqy úkimdi burynǵy muǵalim Lı Tszıshýnge ortasha satydaǵy Tıanshýı qalasynyń soty shyǵardy, onda pedofıl 2011-2012 jyldary 4-ten 11 jasqa deıingi 26 balany zorlaǵanyn anyqtady.
Habarlamada taǵy da tórt pedofılge úkim shyǵarylǵany aıtylǵan, olardyń bireýine ólim jazasy úkimi eki jylǵa keıinge qaldyrylǵan.
Habarlamada atap ótilgendeı, mundaı qylmystar sońǵy jyldary jıilep ketken. 2012-2014 jyldary Qytaıda pedofılııamen baılanysty 7145 is tirkelgen.
