Qytaıda ótýi tıis sporttyq quzǵa órmeleýden álem kýbogynyń kezeńderi keıinge shegerildi
NUR-SULTAN. QazAqparat – Halyqaralyq sporttyq quzǵa órmeleý federatsııasy (IFSC) álem kýbogynyń qazan aıynda Qytaıda ótýi tıis 2 kezeńi COVID-19 pandemııasyna baılanysty keıinge qaldyryldy, dep habarlaıdy QazAqparat tilshisi.
Qazaqstan Ulttyq Olımpıada komıtetiniń málimetinshe, Sıamynde IFSC álem kýbogy 15-17 qazan kúnderi ótýi tıis bolatyn. Al Výtszıandaǵy boýlderıng pen jyldamdyqqa IFSC álem kýbogy naýryzda 22-24 qazanǵa aýystyrylǵan bolatyn. Boýlderıngten álem kýbogynyń qorytyndy kezeńi 1-3 qazan kúnderi Ońtústik Koreıa astanasy Seýl qalasynda ótedi. Bul kezeń de mamyrda ótýi tıis bolatyn. Alaıda pandemııaǵa baılanysty keıinge shegerilip otyr. Taıaýda IFSC Seýl kezeńi josparǵa saı ótetindigin naqtylaǵan bolatyn.
Aıta keterligi, sporttyq quzǵa órmeleý alǵash ret Tokıo-2020 Olımpıadasy baǵdarlamasyna engizilip, erler men áıelder jarys jolyna shyqqan bolatyn.
