Qytaıda osydan 9 kún buryn sý basyp qalǵan shahtadan 114 kenshi qutqaryldy, taǵy 39 adam jer astynda qalyp otyr
ASTANA. Sáýirdiń 5-i. QazAqparat - Qytaıdyń soltústiginde sý basyp qalǵan kómir shahtasynan 114 kenshi aman-esen shyǵaryp alyndy, biraq jer astynda taǵy 39 jumysshy qalyp otyr,
dep habarlaıdy Sınhýa agenttigi.
Tótenshe oqıǵa osydan 9 kún buryn bolǵan edi jáne qytaı ókimeti kenshilerdiń aman qalýyn «tańǵajaıyp» oqıǵa dep atap otyr. «Bul Qytaıdyń ken ónerkásibindegi qutqarý operatsııalary tarıhyndaǵy tańǵajaıyp oqıǵa» , - dep málim etti Qytaıdyń Memlekettik eńbek qaýipsizdigi basqarmasynyń bastysy Lo Lın myrza.
«Qutqarýshylar jer astynda qalyp qoıǵan 39 shahterdi izdestirýde. Qutqarý jumystary óte qıyn ótýde», deıdi oqıǵa oryn alǵan Shansı provıntsııasynyń gýbernatory Van Tszıýn.
Jergilikti sheneýnikterdiń aıtýynsha, qutqarylǵan kenshilerdiń ómirlerine eshqandaı qaýip joq.
