Qytaıda ósetin ósimdik Ebola dertine daýa bolýy múmkin
ASTANA. QazAqparat - Stephania tetrandra ósimdiginen alynatyn qospa adamzatty Ebola dertinen qutqarýy múmkin. Tetrandrın qospasy vırýsty jasýshada ustap, onyń aǵzaǵa zıyn tıgizýine jol bermeıdi, dep jazdy vesti.ru.
Tájirıbe kórsetkendeı, tetrandrındi janýarlarǵa synap kórgende vırýs juqtyrǵan qannyń aq jasýshalaryn toqtatyp, ınfektsııanyń damýyna jol bermegen. Ázirge qospany kemirýshilerge ǵana synap kórgen. Endi, adamdardy emdeýge qoldanar aldynda, maımyldarǵa synaq júrgizilmek.
Tehas Bıomedıtsınalyq zertteý ınstıtýtynyń vırýsology Robert Deıvıdiń sózine qaraǵanda, bul zertteý jumysy vırýstyń jańa álsiz tusyn anyqtaýǵa kómektesti. Alaıda onyń baǵalaýynsha daıyn dárini naryqqa shyǵarý úshin 2-5 jyldaı ýaqyt kerek, dep habarlady Meddaily.
