Qytaıda orys qyzy men qazaq balasynyń mahabbaty týraly fılm túsirilýde
ASTANA. 23 qyrkúıek. QazAqparat - Keshe Qytaıdyń Býyrshyn aýdanynda «Býyrshyn ańyzy» kórkem fılmin túsirý jumystary resmı túrde bastaý aldy.
Bul jaıly Qytaıdaǵy Altaı aqparat toraby habarlap otyr. Bul týraly BAQ.KZ jazady.
«Býyrshyn ańyzy» atty bul fılmge Reseıden ata-anasymen erip Býyrshynǵa kelgen kishkentaı orys qyz Inna men qazaq balasy Baıannyń arasyndaǵy dostyq, súıispenshilik arqaý bola otyryp, XX ǵasyrdyń elýinshi jyldaryndaǵy Qytaıdaǵy qazaq ómiri somdalady. Fılmge qytaıdyń áıgili ártisi I Jýshyń jáne basqa da belgili ártister túsedi eken.
Shyńjań telearnasy, Shyńjań kıno kompanııasy men Shanhaı Shıro mádenıet kompanııasy birlesip túsiretin «Býyrshyn ańyzy» osy jyldyń sońyna deıin kórermenge usynylady dep josparlanypty.
