Qytaıda «Órmekshi adam» dúnıege keldi
ASTANA. QazAqparat - Qytaıdyń Gýanchjoý qalasynda 4 aıaǵy, 4 qolymen týǵan 13 kúndik balaǵa ota jasaldy, dep habarlaıdy qytaılyq BAQ. Dárigerler balanyń artyq aıaqtary men qoldaryn alyp tastady. Jergilikti BAQ «Órmekshi adam» dep ataǵan sábı qazir aýrýhanada jatyr, jaǵdaıy jaqsy.
Dárigerlerdiń aıtýynsha, negizi áıelde sıam egizderi týýy kerek edi, alaıda egizdiń syńary damymaı qalyp, jatyrda deformatsııalanyp, onyń aıaqtary men qoldary ekinshi balaǵa jabysyp týǵan. Ota sátti aıaqtaldy, balanyń jaǵdaıy qazir jaqsardy, deıdi mamandar.
