Qytaıda «Ońtústiktiń sýyn soltústikke jetkizý» jobasy boıynsha kúnine 5 mln.adamdy taza sýmen qamtamasyz etetin zaýyt salyndy
BEIJІŃ. QazAqparat - Qytaı astanasynyń ońtústiginde alǵashqy iri kólemdi eldiń ońtústiginen soltústigine jiberiletin sýdy tazalaıtyn zaýyt salyndy dep habarlaıdy, jergilikti BAQ atalǵan kásiporynnyń ınjenerlik bóliminiń basshysy Chjan Chjotsıanǵa silteme jasaı otyryp.
«Gogýnchjýan zaýyty jumystyń synaq rejiminen ótken jáne Beıjińge «Ońtústiktiń sýyn soltústikke jetkizý» jobasy aıasynda jetkiziletin sýdy tazartýǵa daıyn» - dedi ol óz sózinde.
Onyń aıtýynsha, zaýyt kúnine shamamen 5 mln. adamdy qamtamasyz etetindeı 500 myń kýb.sý tazartady. Aıta keteıik, Beıjiń - sý tapshylyǵy bar álem qalalarynyń biri. Turǵyndar sany 20 mln.nan asady, al sý paıdalaný kólemi 3.6 mlrd. kýb m.
ıAntszydan QHR soltústigine sý jiberýdi qamtamasyz etetin«Ońtústik-soltústik» jobasy árbiriniń uzyndyǵy 1300 shaqyrymdyq shyǵys, ortalyq jáne batys kanaldarynyń qurylysyn josparlap otyr. Bul kanaldar arqyly eldiń soltústiktegi qurǵaq aımaqtaryna 44,8 mlrd.kýb.m. sý jiberý maqsaty bar. Jobany 1952 jyly Mao Tszedýn usynǵan, 2002 jyly ǵana QHR (MemKeńes) maquldaǵan. Barlyq jumys kólemi 50-60 jyl boldy.
Qytaı astanasy ortalyq kanal arqyly Hýbeı provıntsııasyndaǵy Hanshýı ózenindegi Dantszıankoý sý qoımasynan sý tartylmaq.
