Qytaıda omıkron shtamyn juqtyrýdyń alǵashqy jaǵdaıy tirkeldi
BEIJІŃ. QazAqparat – Qytaıdyń Tıantszın qalasynda COVID-19-dyń omıkron shtamyn juqtyrýdyń alǵashqy jaǵdaıy tirkeldi. Bul týraly dúısenbi kúni jarııalanǵan Aýrýlardy baqylaý jáne aldyn alý jónindegi mýnıtsıpaldyq ortalyqtyń habarlamasynda jazylǵan, dep habarlaıdy QazAqparat «Sınhýa» agenttigine silteme jasap.
Omıkron shtamyn juqtyrǵan azamat shetelden kelgen. Aýrý sımptomsyz jalǵasýda, qazirgi kezde ol oqshaýlanǵan jáne arnaıy bólingen aýrýhanada em qabyldap jatyr. «Bul – qurlyqtyq Qytaıdaǵy omıkron shtamyn jutyrýdyń birinshi jaǵdaıy», - delingen Tıantszın qalasynyń epıdemologııalyq shtabynyń habarlamasynda.
Qytaı megapolısiniń bıligi turǵyndardy COVID-19-dyń aldyn alý jáne baqylaý sharalaryn ustanýǵa, maska taǵýǵa, qoldy jıi jýýǵa jáne áleýmettik qashyqtyqty saqtaýǵa shaqyrady.
Tıantszın – Qytaıdyń ortalyq baǵynysyndaǵy qala, 13 mıllıonnan astam turǵyny bar. Ol el astanasy Beıjińnen 100 shaqyrym jerde ornalasqan.
