Qytaıda Olımpıada nyshany beınelengen kádesyı buıymdaryna suranys ósti

NUR-SULTAN. QazAqparat – Beıjińde Olımpıada nyshandary bar kádesyı buıymdaryna suranys ósti, dep habarlaıdy QazAqparat uıymdastyrý komıtetine silteme jasap.

Qytaıda kádesyılar satatyn dúkenderdiń aldynda uzyn-sonar kezek paıda bolǵan. Olımpıada oıyndarnyń nyshandary beınelengen músinder men jumsaq oıynshyqtarǵa suranys artqan.

Sondaı-aq Olımpıada oıyndary Qytaıdyń jańa jyly, ıaǵnı kóktem merekesine týra kelgendikten keıbir óndiristegi jumysshylar demalysqa ketken. Eldegi kádesyı tapshylyǵyna bul jaǵdaı da áser etýi múmkin.

Qazir Olımpıadany uıymdastyrý komıteti taýarlardyń jetkizilimin ulǵaıtý úshin tıisti bólimdermen jumystar jasalyp jatqanyn aıtty.