Qytaıda ólim jazasyna kesilgen Qazaqstan azamaty elge qaıtaryldy
ASTANA. QazAqparat - Búgin, 15 jeltoqsan kúni, esirtki satty degen aıypppen Qytaıda ólim jazasyna kesilgen Qazaqstan azamaty Úrimjiden elge jiberildi, dep jazdy QR SІM baspasóz qyzmetiniń jetekshisi Ánýar Jaınaqov Feısbýktegi paraqshasynda.
Sotty azamatty Qazaqstanǵa berý protsesin Qazaqstannyń Qytaıdaǵy Elshiligi, QR Bas prokýratýrasy jáne Qytaı Ádilet mınıstrligi uıymdastyrdy.
Almaty oblysynda 1989 jyly týǵan azamatty qytaılyq quqyq qorǵaý organdary Gýandýn provıntsııasynyń Gýanchjoý qalasynda 2009 jyly esirtki tasymaldady degen aıyppen ustaǵan bolatyn. Ol ólim jazasyna kesilip, úkimdi oryndaý merzimi 2 jylǵa shegerilgen, al 2011 jyly úkim ómir boıy bas bostandyǵynan aıyrý jazasymen aýystyryldy.
Qazaqstandyq dıplomattar men QR Bas prokýratýrasynyń qyzmetkerleri sottalǵan azamattardy Qazaqstanǵa qaıtaryp, jazasyn elimizde óteýi boıynsha Qytaı tarapymen kóptegen jumystar júrgizdi.
Aǵymdaǵy jyly Qytaıdan Qazaqstanǵa taǵy da 4 azamat, al 2015 jylǵy tamyzdan beri 15 sottalǵan azamat qaıtaryldy.
Qazaqstan Respýblıkasy Syrtqy ister mınıstrligi men Bas prokýratýrasy osy qyzmetti basqa elderde de júrgizip keledi.
