Qytaıda óli mysyqtyń ishinen tiri alty máýlen shyqty
ASTANA. QazAqparat - Qytaıdyń Chýnchın qalasynda veterınarlar buǵan deıin kólik qaǵyp ketip, ólip qalǵan mysyqqa kesar tiligin jasady. Bul týraly jergilikti BAQ habarlap otyr.
Oqıǵa kýágerleri jolda jatqan mysyqty kórip qalǵan. Olar mysyqtyń ishi úlken ekenin baıqap, ishinde onyń býaz ekenin shamalady. Jolda jatqan mysyqtyń qasynan ótip bara jatqandardyń arasynda veterınar dáriger bolyp, óli janýardy emhanaǵa apardy. Mamandar júrgizgen otanyń arqasynda dúnıege deni saý alty máýlen keldi.
