Qytaıda ólgen náresteniń denesine kenetten jan kirdi
ASTANA. 22 qańtar. QazAqparat - Qytaıda 9 aılyq Sıaohao esimdi náresteni dárigerler kóz jumdy dep tirkegen bolatyn. Biraq onyń óli denesin gýandýndyq krematorıılardyń birinde órter aldynda ol oıda joqta tirilip ketedi. Shara kezinde denesine jan bitken Sıaohao tátesiniń qolynan ustaǵan.
Múmkin onyń ata-anasy bul ómirde budan asqan baqytty sátti sezinbegen bolýy kerek. Degenmen eń úlken áserdi onyń tátesi aldy. Balanyń atasy Maı Tınfannyń sózine qaraǵanda, ol náreste máıitiniń ústine basyn salyp, Qudaıǵa jalbyrynyp jatqan kórinedi. Sol sátte o dúnıelik bolǵan bala tirile ketken.
«Men ol kezde Sıaohaoǵa qaıta jan bitip, onyń názik qolynyń jylýyn taǵy bir sezinýimizdi tilep jatqan bolatynmyn», - deıdi esin ázer jıǵan tátesi.
Náreste úıdegi baspaldaqtan qulap, basynan qatty jaraqat alǵan bolatyn. Qansha tyrysqanmen dárigerler onyń ómirin saqtaı alamaǵan jáne onyń jan tásilim etkenin habarlaýǵa májbúr bolypty.
Qazirgi ýaqytta Sıaohao qytaılyq provıntsıalardyń birinde aýrýhanada em alýda. Dárigerlerdiń sózine qaraǵanda, onyń densaýlyǵy jaqsy.
