Qytaıda nóser jaýynnan 7 myńnan astam adam shuǵyl evakýatsııalandy
NUR-SULTAN. QazAqparat – Qytaı eliniń ońtústik-batysyndaǵy Sychýan provıntsııasynda tolassyz jaýǵan nóser jaýyn saldarynan 7 myńnan astam adam shuǵyl qaýipsiz jerge kóshirildi, dep habarlaıdy QazAqparat SINЬHÝA aqparat agenttigine silteme jasap.
Provıntsııanyń Sý sharýashylyǵy basqarmasynyń málimetinshe, senbi kúngi saǵat 8:00-den bastap jeksenbi kúngi 8:00-ge deıin Sychýan provıntsııasynyń soltústik-shyǵys bóligi, sonyń ishinde Bachjýn, Nanchýn jáne Dachjoý qalalarynda nóser jaýyn jaýyp, joldardy sý basqan, jergilikti birneshe ózende sý mólsheri joǵary deńgeıden asyp ketken.
Tabıǵı apat saldaryn joıý jumystary jalǵasyp jatyr.
