Qytaıda nóser jaýyn saldarynan 400 myńǵa jýyq adam zardap shekti
ASTANA. QazAqparat - Ortalyq Qytaıda Hýbeı provıntsııasy Hýangan qalasynda nóser jaýyn saldarynan 400 myńnan astam adam zardap shegip, ondaǵan jergilikti turǵyn habar-osharsyz ketti, dep habarlady Xinhua.
Habarlamaǵa sáıkes 18 maýsymda senbiden bastap qalada nóser jaýyn jaýdy. Onyń sońy sý tasqynyna ulasyp, úıler, kópir, bógetter, joldar qırady, aýyl sharýashylyǵyna jaramdy jerlerdi sý basty.
«Jeksenbide 400 myń adam zardap shekti. Ondaǵan adam habar-osharsyz ketti. Birneshe myńdaǵan adam shuǵyl evakýatsııalandy» , - delingen habarlamada.
Qytaılyq sınoptıkter aldaǵy eki kúnde aýa raıy nasharlaı túsetinin alǵa tartýda. Gýıchjoý, Hýnan, Hýbeı jáne ıÝnnan provıntsııalarynda dúısenbi tańǵa deıin naızaǵaı oınap, nóser jaýyn jaýady, keı jerlerde 200 mm-ge deıin ylǵal túsedi.
Qytaıdyń úsh provıntsııasy Hýnan, Gýandýn jáne Gýansı-Chjýansk avtonomııalyq aýdanynda sý tasqyny saldarynan 10 adamnyń ómiri qıylyp, 13 adam habar-osharsyz ketti.
