Qytaıda nóser jaýyn men daýyl kezinde 78 adam qaza tapty (VIDEO)
BEIJІŃ. QazAqparat - Qytaıdyń Tszıansý provıntsııasyndaǵy ıAnchen qalasynda jáne eldiń shyǵysyndaǵy ózge de qalalarda nóser jańbyr men alapat daýyl saldarynan 78 adam kóz jumyp, 500 turǵyn jaraqat aldy.
Jergilikti bıliktiń habarlaýynsha, 200-ge jýyq zardap shegýshi aýyr jaraqat alǵan, olar múshkil halde jatyr. Qazirgi ýaqytta izdestirý-qutqarý jumystary aıaqtalmaǵan, bılik ókilderi qurbandardyń sany ósýi múmkindigin joqqa shyǵarmaıdy. Birqatar eldi mekende elektr toǵymen qamtamasyz etý múmkin bolmaı otyr.
Nóser jańbyrly daýyl Tszıansý provıntsııasynyń birneshe aýdanynda 23 maýsym kúni tústen keıin bastalǵan. Tabıǵat apatyn kórgenderdiń aıtýynsha, qatty jel kólikterdi aýdaryp, aǵashtardy syndyryp, úılerdiń shatyryn julyp áketken. Bılik zardap shekken aýdandarǵa gýmanıtarlyq kómek jiberdi, onyń ishinde myńǵa jýyq baspana-shatyr men 2 myńnan astam tósek bar.
China Daily gazetiniń elektrondy nusqasynyń jazýynsha, daýyl eki zaýytty qıratqan. Basylymnyń habarlaýynsha, mekemelerde qaýipti hımıkattar saqtalǵan, alaıda qaýipti zattar qorshaǵan ortaǵa taralyp ketýine qatysty máimet berilmegen.
Meteorologtardyń habarlaýynsha, jeldiń qarqyny keı jerlerde 35 m/s-ge jetken. Bul daýyl 1966 jyly ıAnchen qalasynda soqqan daýyldan keıingi iri tabıǵat apaty retinde tirkeldi.
