Qytaıda nóser jańbyrdyń saldarynan 73 adam mert boldy
BEIJІŃ. Shildeniń 24-i. QazAqparat /Rýslan Súleımenov/ - Shensı provıntsııasynyń (Soltústik-Batys Qytaı) ońtústiginde bolǵan nóser jaýynnyń saldarynan 73 adam mert boldy, taǵy 121 adam habar-osharsyz ketip otyr, dep habarlady provıntsııanyń jergilikti ókimeti.
Shildeniń 14-inen beri Shensı provıntsııasynyń ońtústiginde nóser jańbyr jaýyp, taý jynystarynyń opyrylýy men sel tasqynyn týǵyzdy. Tabıǵat apaty qalalardyń 1,77 mln. turǵynynyń qalypty ómirin buzdy. Zardap shekken aýdandarda 42 myń qurylys nysandary búlindi, 106,7 myń gektar aýyl sharýashylyǵy alqaptaryn sý basty, tikeleı ekonomıkalyq shyǵyn 3 mlrd-qa jýyq. ıýanǵa baǵalanyp otyr.
