Qytaıda nóser saldarynan 14 adam qaza taýyp, 8 adam joǵalyp ketti

ChENDÝ. Sınhýa-QazAqparat – Qytaıdyń ońtústik-batysyndaǵy Sychýan provıntsııasynyń Mıannın ýezinde jaýǵan nóser jaýyn saldarynan, seısenbi 23.00-degi málimet boıynsha, 14 adam qaza taýyp, 8 adam iz-túzsiz joǵalǵan. Bul týraly sársenbi kúni jergilikti bılik ókilderi málim etti, dep habarlaıdy QazAqparat Sınhýa agenttigine silteme jasap.

Aldyńǵy habarlamalarda kóz jumǵandar sany – 12 jáne joǵalyp ketkender – 10 adam dep kórsetilgen edi.

Mıannın ýezi ákimshiliginiń baspasóz keńsesiniń habarlaýynsha, joǵalǵan eki adamnyń qaza tapqany anyqtaldy.

Ýezde nóser jaýyn 26 maýsymda bastaldy.Tabıǵı apattan bolǵan shyǵyn 738 mln ıýan nemese 104 mln AQSh dollaryn qurap otyr.

Іzdeý-qutqarý jumystary jalǵasyp jatyr.