Qytaıda Nıda daýylyna baılanysty saqtyq sharalary kúsheıtildi
ASTANA. QazAqparat - QHR bıligi Nıda daýylyna baılanysty keı provıntsııalarda saqtyq sharalaryn kúsheıtti, dep habarlady VVS agenttigi Qytaıdyń azamattyq ákimshilik mınıstrligine silteme jasaı otyryp.
Atap aıtqanda, Hýnan, Gýandýn, Gýıchjoý, ıÝnnan provıntsııalarynyń aýmaǵynda, sonymen qatar Gýansı-Chjýan avtonomdy aýdanynda saqtyq sharalary engizildi. Eskertý sharty - Bılik taıfýnnyń qozǵalýyn muqııat baqylaýy tıis jáne tıisti aqparatty ýaqytynda jarııalaý.
Atalǵan provıntsııalar men aýdandardyń turǵyndaryna 1-3 kúnge jetetin azyq-túlik satyp alýǵa keńes berildi, dep habarlady «RIA Novostı».
Jeksenbi kúni Qytaıdyń memlekettik meteorologııalyq ortalyǵy Nıda (Nida) taıfýnyna baılanysty eskertý jarııalady. Taıfýn seısenbi kúni Gýandýn provıntsııasyna jetedi dep kútilýde.
Qytaılyq meteorologtardyń boljaýynsha, daýyl Gýandýn provıntsııasyna taıaǵanda jel jyldamdyǵy sekýndyna 38-45 metrge jetýi yqtımal.
