Qytaıda Nepaldaǵy jer silkinisinen opat bolǵandar sany 20 adamǵa jetti
ASTANA. QazAqparat - Qytaıdyń Tıbet avtonomııalyq aýdanynda Nepalda bolǵan jer silkinisi saldarynan qurban bolǵan adamdar sany 20-ǵa jetti. Taǵy 4 adam iz-túzsiz joǵalyp ketkender sanatynda, dep jazady TASS.
Qytaılyq BAQ-tyń habarlaýynsha, keminde taǵy 58 adam jaraqattanǵan. Shıgadze qalasynda jer silkinisine baılanysty 24,8 myń jergilikti turǵyn qaýipsiz jerge kóshirilgen. Munda tabıǵı apattan eki shekaralyq beket buzylǵan. «Sınhýa» agenttiginiń habarlaýynsha, Shıgadze okrýginde 1206 úı buzylyp, 9974 úıge zaqym kelgen, sondaı-aq joldar buzylyp, kommýnıkatsııalar buzylǵan. Qazirgi sátte áskerı, polıtsııa qyzmetkerleriniń jáne órt sóndirýshilerdiń kómegimen qutqarý jumystary júrgizilýde.
