Qytaıda neke qujattaryn rásimdeý 10 mınýttan 0,3 sekýndqa qysqardy
ASTANA. QazAqparat - Qytaıdyń ońtústik-batysynda ornalasqan Chýntsın qalasynda nekege rásimin jeńildetý úshin bet-álpetti taný júıesi iske qosyldy dep habarlaıdy, «QazAqparat» HAA Sınhýaǵa silteme jasap.
Atalǵan qaladaǵy neke ortalyǵy mamandarynyń aıtýynsha, bet-álpetti taný júıesi qańtarda iske qosylǵan. Qytaı zańyna sáıkes, neke týraly kýálik berilerdiń aldynda tirkeýshiler juptardyń jeke kýálikterin jáne tirkelý týraly qujattaryn tekserýge mindetti.
Jańa tehnologııa ýaqytty únemdeýmen qatar, dáldik deńgeıin de óte joǵary oryndaıdy. Adamnyń bet-álpetin jyldam sýretke túsiretin júıe, onyń basqa qujattaryndaǵy jáne qoǵamdyq qaýipsizdik bazasyndaǵy sýretterimen salystyrady.
Engizilgen zamanaýı júıeniń nátıjesinde buryn 10 mınýtqa sozylǵan tekserý rásimi, 0,3 sekýndyń ishinde aıaqtalady eken.
Bul sonymen qatar plastıkalyq operatsııa jasaǵan adamdardy nemese egizderdi de jyldam ajyrata alady. Buryn osyǵan uqsas júıeler, atalǵan toptardy teksergende qınalyp qalatyn jáne olar saýsaq tańbalary arqyly tekserilip kelgen.
