Qytaıda náresteniń denesin órtemek bolǵan kezde tirilip ketti
ASTANA. QazAqparat - Dárigerler óli dep tanyǵan náreste órteýge sanaýly mınýttar qalǵan kezde tirilip ketken. Ol bir táýlikke jýyq salqyn máıithanada jatsa da, denesine jan bitip, oıanyp ketti, dep habarlaıdy sheteldik BAQ.
Er bala Chjetszıan provıntsııasynda 8 qańtar kúni, merziminen eki aı buryn dúnıege kelgen. Ata-anasy dárigerlerdiń aıtqan nusqaýlaryna qulaq salmaı, balany ınkýbatordan alyp ketpek bolady. Eki kún ótken soń shaqalaq aýyryp qalyp, kóz jumǵan. Dárigerler ony qaıtys bolǵanyn belgiledi. Máıit temperatýrasy mınýs 12 gradýs bolatyn máıithananyń ishinde 23 saǵat bolǵan.
Kelesi kúni ony órteý úshin alyp shyǵady, alaıda sábı sol kezde jylap jibergen. Órteý rásimin jasamaq bolǵan qyzmetkerler dereý sábıdiń ata-anasyna habarlasyp, istiń mán-jaıyn aıtady. Balany óldi dep tanyǵan dáriger bolsa bunyń ǵajap oqıǵa ekenin aıtyp, tańǵaldy, dep jazady sheteldik BAQ.
