Qytaıda N7N9 tumaýyn juqtyrǵan taǵy 10 adam anyqtaldy
ASTANA. QazAqparat - Qytaı ókimeti H7N9 tumaýynyń vırýsyn taǵy 10 adamnyń juqtyrǵany týraly málim etti. Bul týraly Sınhýa agenttigi habarlaıdy, dep jazady ITAR-TASS.
Aýrýdy juqtyrǵandardyń biri Gýansır-Chjýan avtonomdy aýdanynda tursa, ekinshisi Fýtszıan provıntsııasynan, al Gýandýn jáne Chjetszıan provıntsııalarynda atalmysh dertpen naýqastanǵan segiz adam anyqtaldy.
Aıta keteıik, qus tumaýynyń bul vırýsy alǵash ret Qytaıda 2013 jyldyń naýryz aıynda anyqtalǵan bolatyn. Alaıda, áli kúnge deıin onyń adamnan adamǵa aýa-tamshylyq jolmen juǵatyny dáleldenbegen. Soǵan qaramastan, mıkrobıologtar vırýs shtammy mýtatsııaǵa ushyraǵan jaǵdaıda ondaı jaǵdaıdyń oryn alýy múmkin ekendigin de joqqa shyǵarmaı otyr.
Sál burynyraq qytaılyq sarapshylar vırýstyń taralýyna elde Jańa jyldy toılaý yqpal etýi múmkin ekenin eskertken bolatyn. Óıtkeni, dál osy kezde qytaılyqtar qus etin kóbirek paıdalandy, al bul óz kezeginde qus tumaýyn juqtyrýǵa sebep bolýy múmkin.
