Qytaıda N7N9 tumaýyn juqtyrǵan bir adam anyqtaldy
BEIJІŃ. QazAqparat - Qytaıdyń ońtústigindegi Gýandýn provıntsııasyndaǵy Chjýnshan qalasynda H7N9 qus tumaýy vırýsyn juqtyrǵan turǵyn anyqtaldy.
Bul dıagnoz 50 jastaǵy jergilikti turǵynǵa qoıylǵan, onyń jaǵdaıy aýyr dep baǵalanyp otyr. Qazir ol aýrýhanalardyń birinde em alýda.
Aıta keteıik, 4 mamyr kúni Gýanchjoý qalasynda H7N9 qus tumaýynyń vırýsyn juqtyrǵan degen dıagnozben aýrýhanaǵa jatqyzylǵan naýqas jan tapsyrǵan bolatyn.
Sáýir aıynda atalmysh dertten tórt adam ajal qushty. Barlyq jaǵdaılar Ońtústik Qytaıdyń Gýandýn qalasynda anyqtalǵan.
Jyl basynan beri elde 120 qus tumaýy vırýsyn juqtyrý oqıǵasy tirkelgen. Ol ondaǵan adamdardyń ómirin jalmady.
Dúnıejúzilik Densaýlyq saqtaý Uıymy ázirge H7N9 túrindegi qus tumaýynyń vırýsynyń adamnan adamǵa juǵatynyn naqty dáleldeıtin derek tapqan joq.
