Qytaıda «Nıý-Iork Taıms» gazetiniń saıtyna tosqaýyl qoıyldy
ASTANA. 29 qazan. QazAqparat - Amerkanyń «Nıý-Iork Taıms» gazeti Qytaı premeri Ven Tszıabaonyń mıllıardtaǵan dollar baılyǵy týraly habar taratyp, resmı Beıjińniń qarsylyǵyna tap boldy.
Osydan birer kún buryn Qytaı úkimeti atalǵan basylymnyń qytaısha jáne aǵylshynsha saıttaryna tosqaýyl qoıyp, maqalanyń ózin jalǵan dep jarııalaǵan. Degenmen, keıbir baqylaýshylardyń oıynsha, Qytaıda baılar men kedeıler arasyndaǵy alshaqtyq úlkeıip keledi. Sondyqtan, sheneýnikterdiń dáýleti týraly aqparat qaýipti. «Nıý-Iork Taımstyń» málimetine qaraǵanda, Ven Tszıabao áýletine 2 mıllıard 700 mıllıon dollar tıesili, dep habarlaıdy «Qazaqstan» ulttyq telearnasy.
Áıtse de, Qytaı aqparat quraldary úkimet basshysyn «Venem áke» dep ataıdy. Sebebi, sý tasysa da, jer silkinse de, sol aýdanǵa dál osy premer-mınıstr birinshi baryp, halyqty jubatyp otyrady.
