Qytaıda muz aralas jańbyrdyń saldarynan 22 myń adam qaýipsiz jerge kóshirildi
ASTANA. 5 qańtar. QazAqparat - Qytaıdyń ońtústigindegi muzdy jańbyr saldarynan 22 myń adam qaýipsiz jerge kóshirilip, júzdegen úıge zaqym keldi, dep habarlaıdy Ýtro.rý agentigi.
Qubylmaly sýyq aýa raıynyń áserinen jańa jyldyń alǵashqy kúnderi Qytaı Halyq Respýblıkasynyń ońtústik-batysynda ornalasqan Gýıchjoý provıntsııasynda muz aralas jańbyr jaýdy. Muzben qursaýlanǵan 200-ge tarta úı qırap, shatyrlarynda kesek muz qatqan 1,4 myń turǵyn úı shatyry zaqymdandy. Adam shyǵynynyń aldyn alý úshin ókimet oryndary 22,8 myń adamdy qaýipsiz jerge kóshirdi.
Aldyn ala esep boıynsha, aýa raıynyń nasharlaýynan 1,8 mıllıon adam zardap shegip otyr.
