Qytaıda munaı qubyrynda bolǵan jarylystan 22 adam qaza tapty
BEIJІŃ. 22 qarasha. QazAqparat - Qytaıdyń shyǵysyndaǵy Shandýn provıntsııasynyń Tsındao portty qalasyndaǵy munaı qubyrynda bolǵan jarylys saldarynan 22 adam qaza tapty, dep habarlaıdy jergilikti bılik.
Jarylys búgin jergilikti ýaqyt boıynsha saǵat 10:30-da qytaılyq Sinopec iri munaı hımııa korporatsııasyna tıesili munaı qubyry tarmaǵynda jóndeý jumystary kezinde oryn aldy. Aldyn ala baǵalaý boıynsha, apatqa qubyrdan túnde munaı aǵýy sebep bolǵan.
Budan buryn 48 adam zardap shegip jergilikti aýrýhanalarǵa jetkizilgeni týraly aqparat taralǵan edi. Oqıǵa ornynda izdeý-qutqarý jumystary jalǵasýdy. Apat sebepteri anyqtalýda.
