Qytaıda muǵalimniń buıryǵymen oqýshy 30-qabattan sekirip, mert boldy
ASTANA. 2 qarasha. QazAqparat - Qytaıda ashýly muǵalimniń jón silteýimen 30-qabattaǵy terezeden 10 jasar mektep oqýshysy sekirip, mert boldy, dep habarlaıdy Qytaı BAQ-tary.
Qaıǵyly oqıǵa Chendý qalasynda oryn alǵan. Sabaqta tynysh otyrmaı, sóılegeni úshin muǵalim besinshi synyp oqýshysyna myń ret «keshirińiz» dep jazǵyzyp, keıin oqýshynyń tómenge sekirýin talap etse kerek.
Bala sekirip, tómendegi avtokóliktiń ústine qulaǵan. Keıin qaza bolǵan balanyń dápterinen: «Muǵalim, men bulaı jasaı almaımyn», «Men sekirýge qorqamyn» degen jazý tabylǵan.
Balanyń ákesi men sheshesi bolǵan jaǵdaıǵa baılanysty 30 jastaǵy «Chen hanymdy» aıyptap otyr. Qaıǵydan qan jutqan balanyń ata-anasy mekteptiń janyna banner ilip, oǵan iri qylyp balalarynyń muǵalimniń kesirinen qaza bolǵanyn jazyp qoıǵan. Polıtsııa bolǵan jaǵdaıǵa baılanysty tergeýdi bastady.
Atap ótý kerek, Qytaıda qatań tártip bilim berý júıesiniń ajyramas bóligi bolap tabylady.
