Qytaıda mıllıondaǵan adam evakýatsııalandy
Alapat daýyl Chjetszıan provıntsııasynyń Venlın qalasyna jetken. Bul bıyl Qytaıǵa tóngen toǵyzynshy taıfýn. Sýpertaıfýnnyń jyldamdyǵy saǵatyna 187 km aınalasynda. Sınoptıkter daýyl Anhoı, Fýtszıan, Tszıansý, Chjetszıan provıntsııalaryna jáne Shanhaıǵa nóser alyp keledi dep boljaıdy.
Keshe kúndiz Chjetszıan provıntsııasynda Tótenshe jaǵdaı jarııalandy. 700 000 adam kóshirilip, ýaqytsha baspanalarǵa ornalastyryldy.
Provıntsııa boıynsha júzdegen keme, 288 reıs, tipti poıyzdar toqtatyldy. Jergilikti bılik myń adamnan quralǵan qutqarý komandasyn jasaqtap, 150 órt sóndirý mashınasyn, 153 qaıyqty daıyndap otyr.
Senbi tańynda Shanhaıda 253 000 adam qaýipsiz jerge kóshirildi, poıyzdar toqtap tur. Taıfýn saldarynan qazirdiń ózinde 3 000 aǵash qulap, júzdegen elektr symdary úzilgen. Zaqym kelgen elektr jelileriniń 80-i qalpyna keltirildi.
Shanhaıdyń sý tasqynymen kúres departamentiniń málimdeýinshe, qazir qalada nóser quıyp tur.
Taıfýn soltústikke qaraı 15 km/s jyldamdyqpen jyljyp, barǵan saıyn álsirep keledi.