Qytaıda meıramhana ıeleri klıentterin taza aýa úshin aqsha tóleýge mindettedi
ASTANA. QazAqparat - Qytaılyq Tszıansý provıntsııasy Chjantszıagan qalasynda meıramhana klıentterin ǵımarattaǵy taza aýa jutqandary úshin aqsha tóleýge mindettedi, dep habarlady BBC News.
Meıramhana ıeleri fıltratsııalaý júıesin ornatyp, shyǵyndy óteý maqsatymen klıentti eskertpeı shotqa bir ıýan (15-16 AQSh tsenti) qosyp otyrǵan.
Kelýshilerdiń bir bóligi jańadan qosylǵan bólimmen kelispeı, narazy boldy. Keıin aımaq bıligi bul tájirıbeni doǵarýdy talap etti. Bılik bul qyzmet taýar retinde satylmaýy tıis ekenin aıtty.
Aıta keteıik, sońǵy birneshe aptada Qytaı qalalarynda aýa lastanýynyń rekordtyq kórsetkishi tirkeldi. Keı kóshelerde 100 metr qashyqtyqtaǵy jerdi ǵana kórý múmkin boldy.
