Qytaıda mereke kúni kólik aǵyny rekordtyq deńgeıge jetti
ASTANA. QazAqparat - Qytaıda Ulttyq merekeniń alǵashqy kúninde kúre joldardaǵy kólikter aǵyny rekordtyq deńgeıge jetti. Bul 1-7 qazan aralyǵyndaǵy bir aptalyq demalysqa qatysty, dep habarlaıdy Habar 24 telearnasy.
El úkimeti osy kúnderi 7-orynǵa deıingi jeńil kólikterdiń barlyǵyna magıstraldarda tegin júrýge jaǵdaı jasap otyr. Sonyń saldarynan aımaqtar arasyn jalǵap jatqan mańyzdy joldarda kólik aǵyny kúrt kóbeıip ketti.
Resmı málimet boıynsha, mereke kezinde temirjol kóligin 14 mıllıonnan astam jolaýshy paıdalanýy tıis. Alaıda, mundaǵy júrginshiler sany da kúrt artqan.
Máselen, Gýıchjoý provıntsııasynyń ortalyǵy Gýııan qalasyndaǵy vokzalda 100 myńnan astam bılet satylyp ketken. Al, kólikterdiń shekten tys kóbeıýi uzyn-sonar keptelisterge ákelip soqty. Shanhaı qalasynda tutas bir avtomagıstralda qatynas toqtap qaldy. Alaıda eldegi eń úlken mereke kezindegi bul jaǵdaıǵa halyq qalypty qubylys retinde qaraıtyn bolǵan.
