Qytaıda memlekettik qyzmetker bolǵysy keletinder sany ósken
ASTANA. QazAqparat - Qytaıda 1,1 mıllıonnan astam adam jalpyulttyq memlekettik qyzmetke qabyldaný emtıhanyn tapsyrdy, dep habarlaıdy Sınhýa .
Agenttik taratqan aqparatqa qaraǵanda, jeksenbide 1,1 mıllıonnan astam adam jalpyulttyq memlekettik qyzmetke qabyldaný emtıhanyn tapsyrdy. Ótken jyly bul synaqqa 984 myń adam qatysqan edi. Osymen ekinshi márte emtıhan tapsyrýshylar sany 1 mln adamnan asyp otyr.
Synaqtan ótkender memlekettik qurylymdardaǵy 28 myń bos orynǵa qyzmetke tura alady, ıaǵnı árbir 39 úmitkerdiń bireýi ǵana jumysqa qabyldanady degen sóz.
Jazbasha tapsyrylǵan emtıhannyń qorytyndysy 2018 jyldyń qańtarynda jarııalanady. Synaqtan ótken úmitkerler emtıhannyń ekinshi kezeńi - naýryz aıynda suhbattasýǵa shaqyrylmaq.
Memlekettiń qyzmetke qabyldaý emtıhanynynyń mundaı joǵary deńgeıde ótýi, Qytaıdaǵy memlekettik qyzmettegi adamnyń jaqsy tabys taýyp, turaqty eńbek etýimen baılanysty.
