Qytaıda mektep sportzalynyń shatyry opyrylyp, 10 adam qaza tapty

BEIJІŃ. QazAqparat – Qytaıdyń soltústik-shyǵysynda Heılýntszıan provıntsııasy Tsıtsıkar qalasynda orta mektep sport zalynyń shatyry opyrylyp, 10 adam qaza tapty, taǵy bir adam úıindi astynda jatyr. Bul týraly Qytaı ortalyq telearnasy málimdedi, dep habarlaıdy QazAqparat tilshisi.

Tsıtsıkar qalasyndaǵy orta mekteptiń sport zalynyń shatyry jeksenbi, 23 shildede opyrylǵan. Oqıǵa bolǵan kezde ǵımaratta 19 adam bolǵan. Onyń tórteýi ózderi qashyp úlgergen, al 15 adam úıindi astynda qalǵan. Taǵy bir adam úıindi astynda jatqany naqtylandy.

Іzdeý-qutqarý operatsııasy jalǵasyp jatyr. Oqıǵanyń neden bolǵany belgisiz. Heılýntszıan provıntsııasynyń bıligi TJ tolyq tergeýdi tapsyrdy.