Qytaıda mektep oqýshylaryna maska taqpaýǵa ruqsat berildi

BEIJІŃ. QazAqparat – Qytaıda mektep oqýshylary men balabaqsha tárbıelenýshilerine (ıaslı) oqý ornynda maska taqpaýǵa ruqsat berdi. Bul ereje Qytaıdyń epıdemıologııalyq qaýip dárejesi tómen aımaqtarynda ornalasqan bastaýysh jáne orta mektepter, mektepke deıingi bilim berý mekemelerine qatysty. Mundaı usynysty QHR Densaýlyq saqtaý isteri boıynsha Memlekettik komıtet jáne QHR Bilim mınıstrligi jasady, dep habarlaıdy QazAqparat tilshisi.

Mektepter men balabaqshalarda, ıaslıde jumys protsesin uıymdastyrýǵa árqaısynda jeke tártip ornatylǵan.

Bastaýysh jáne orta mektep muǵalimderine de sabaqty maskasyz ótkizýge ruqsat etildi.

Mektepke deıingi mekemelerdiń tárbıelenýshileri men qyzmetkerlerine arnalǵan jumys barysyn uıymdastyrý tártibi qataldaý.

Ótken táýlikte (2020 jyldyń 8 mamyry, saǵat 24:00 boıynsha) qurlyqtyq Qytaıda koronavırýs juqtyrǵan bir ǵana adam anyqtaldy, ólim jaǵdaıy tirkelmedi, dep habarlaıdy QHR Densaýlyq saqtaý isteri boıynsha Memlekettik komıteti.

Qurlyqtyq Qytaıda COVID-19 juqtyrǵan adamdardyń jalpy sany – 82 887, emdelip shyqqandar – 78 046. Ókinishke qaraı, dertten 4633 adam ómirden ótti.