Qytaıda maımylǵa uqsas toraı týdy
ASTANA. QazAqparat - Qytaıdyń ońtústik-batysyndaǵy Gýıchjoý provıntsııasynda ornalasqan Jıtszın aýylynda tanaýy maımylǵa uqsas toraı dúnıege keldi. Qojaıyny shoshqany qoldan tamaqtandyryp, uzaq ómir súrýin tileýde.
Dál osyndaı oqıǵa bıylǵy qyrkúıek aıynda jelide talqylanǵan edi: Qytaıdyń ońtústiginde Tao Lýdyń fermasynda megejinderdiń biri 19 toraı týdy, olardyń biri adamǵa uqsas edi jáne pil sekildi tumsyǵy boldy. Kóp uzamaı toraı jan tásilim etti.
Mundaı mýtatsııalar 2014-2015 jyldary Qytaı fermalarynda tirkeldi. Sondaı-aq, mýtant-toraılardyń 2011 jyly Gvatemalada jáne 2008 jyly Indonezııada paıda bolǵany anyqtaldy.
Zamanaýı zertteýler olardyń maımyl men shoshqanyń gıbrıdinen týýy múmkin ekenin rastaǵan joq. Olardyń usqynsyz bolyp týylýyn sırek kezdesetin genetıkalyq mýtatsııa dep atap otyr, dep jazdy NEWSru.com.
