Qytaıda marafon jarysyna qatysqan 12 myń adam sabyn jep ýlanyp qaldy
ASTANA. QazAqparat - Qytaıda ótken marafon kezinde kúlkili jaǵdaı oryn aldy. Marafonǵa qatysýshylar energetıkalyq baton dep oılap sabyn jegen, dep jazady «R-Sport» qytaı basylymdaryna silteme jasap.
Jappaı júgirý jarysy Qytaıdyń ońtústigindegi Tsınýan qalasynda ótti. Marafonǵa qatysýshylar uıymdastyrýshylardan qaptaýly sabyn salynǵan syılyqtar aldy. Nátıjesinde jarys ótken kóshe sabyn men olardyń kesekterine toldy. Belgili bolǵandaı, adamdar syılyqqa berilgen sabyndy taǵam dep oılaǵan. Sebebi sabynnyń qaptamasy aǵylshyn tilinde jazylǵan eken.
«Sabynnyń qaptamasy shyn máninde oraýly taǵamǵa uqsaıdy. Oǵan biz kinálimiz», - dep málimdedi jarysty uıymdastyrýshylardyń ókili.
Marafonǵa 20 myńnan astam adam qatysqan. Medıtsınalyq qyzmettiń aqparatyna súıensek, 12 myńnan astam jarysqa qatysýshy dárigerdiń kómegine júginýge májbúr bolǵan. 23 adam aýrýhanaǵa jatqyzylyp, olardyń beseýiniń jaǵdaıy aýyr bolyp otyr.
