Qytaıda London oıyndaryna irikteý ótip jatyr, qazaqstandyq boksshy qyzdar jarysty sátsiz bastady
ALMATY. 12 mamyr. QazAqparat - Keshe Qytaıdyń Tsınhýandao qalasynda áıelder arasyndaǵy bokstan Álem chempıonaty bastaldy.
Chempıonat 76 kúnnen keıin Londonda jalaýy kóteriletin HHH Jazǵy Olımpıada oıyndaryna irikteý bolyp tabylady. Áıelder boksy Olımpıada oıyndarynyń baǵdarlamasyna tuńǵysh engizilip otyr. Álem chempıonatynda 51, 60 jáne 75 keli salmaq dárejeleri boıynsha 12 joldama sarapqa salynady. Eki jylda bir ótkiziletin bıylǵy Álem chempıonatyna 77 elden barlyǵy 343 boksshy qatysýda. Onda qazaqstandyqtardan jarystyń alǵashqy kúni Sanııa Sultanqyzy (57 keli) týnıstik Hlımı Hogloýdqa (Hlimi Khouloud) 20:10 (5:1, 3:3, 7:2, 5:4), al Móldir Bazarbaeva (69 keli) rýmynııalyq Florına Marınella Radýǵa 20:12 (6:3, 3;4, 5:3, 6:2) esebimen ese jiberdi.
